रौतहट । रौतहट प्रहरीले १७ जना फरार रहेका प्रतिवादीलाइ पक्राउ गरेको छ । अदालतको फैसला कार्यान्वयन अन्तरर्गत अदालतबाट कैद तथा जरिवाना सजाय तोकिएको फरार प्रतिवादीहरुलाइ पक्राउ गरेको हो ।
पक्राउ पर्नेहरुमा सबैभन्दा बढी कुटपिटको रहेको रौतहट प्रहरी नायब उपरीक्षक दिपक कुमार रायले बताए । उनका अनुसार कुटपिटमा किशोरी ठाकुर , रामप्रवेश ठाकुर , शेख रोस्तम , सहनाज खातुन, जैबुन खातुन , शेख इस्लाम र चनरवती देवि रहेका छन । कुटपिटमा सात जना प्रतिवादीलाइ पक्राउ गरिएको उनले जानकारी दिए ।
कुटपिटबाट अङ्गभगमा सबिता देवी , प्रभा देवी र लडाइँ राय रहेको उनले बताए । नागरिकतामा नन्दलाल सिंह , जयमंगल राय यादव, देबकी लाल राय यादव , बिरेन्द्र प्रसाद यादव र तेज प्रसाद यादव रहेको रौतहट प्रहरीले जानकारी दिएको छ ।
ठगीमा शेख चाद आलि र भवीतव्य ज्यानमा छरिया देविलाइ प्रहरीले पक्राउ गरेको छ ।जिल्ला प्रहरी कार्यालय तथा मातहातबाट खटिएको टोलीले खोजतलास गरि विभिन्न स्थानबाट पक्राउ गरेको बताएको छ । पक्राउ परेकाहरुलाइ आवश्यक कारवाहीका लागि रौतहट जिल्ला अदालतमा पठाइदिएको जिल्ला प्रहरी कार्यालय रौतहटले जनाएको छ ।
