जाजरकोटमा जिप दुर्घटना हुँदा दुई जनाको मृत्यु भएको छ । मध्यपहाडी राजमार्गअन्तर्गत जाजरकोटको कार्कीगाँउबाट कुदुतर्फ जाँदै गरेको कर्णाली प्रदेश ३–०१–०२ च ४७१९ नम्बरको बोलेरो जिप बुधबार राति दुर्घटनामा परेको हो ।दुर्घटनामा कैलालीका २५ वर्षीय मनोज केसी र जुम्लाका २३ बर्षीय मिथुन हमालको मृत्यु भएको जिल्ला प्रहरी कार्यालय जाजरकोटका सूचना अधिकारी दिनेश तिमिल्सेनाले जानकारी दिए ।उक्त दुर्घटनामा दाङको घोराही उपमहानगरपालिका–८ का कमल चौधरी घाइते भएका छन् । दुर्घटनामा परेकाहरू मध्यपहाडी राजमार्ग निर्माणमा संलग्न मजदुर रहेको प्रहरीले जनाएको छ ।