देवराजा यादव। बालिका अपहरण गर्ने जितुवा भन्ने जितेन्द्र साह (हलुवाई) लाई प्रहरीले पक्राउ गरेको छ।

हिजो चैत्र २० गते दिउँसोको समयमा सुनसरी कोशी गाउँपालिका वडा नं. ७ मुसहरी टोलबाट सात बर्षिय बालिका ईशु सदा अपहरणमा परेकि थिइन्।घर अगाडी खेल्ने क्रममा जितुवा भन्ने जितेन्द्रले सिटि सफारीमा चढाई अपहरण गरी लगेका थिए। जिल्ला प्रहरी कार्यालय सुनसरीलाई प्राप्त जानकारी अनुसार खोजतलास गर्दा चैत्र २१ गते (आज) सुनसरीको कोशी गाउँपालिका वडा नं. ८ कोशी ब्यारेजको २६ नं ढोकाको पुलमाथिबाट बालिका सहित जितेन्द्रलाई प्रहरीले पक्राउ गरेको हो।पक्राउ पर्ने व्याक्ति सप्तरी जिल्लाको कन्चनरुप नगरपालिका वडा नं. १२ धरमपुर घर रहेको प्रहरीले जानकारी दिएको छ।

जिल्ला प्रहरी कार्यालय सुनसरी र कोशी प्रदेश प्रहरी कार्यालय विराटनगरबाट खटिएको संयुक्त प्रहरी टोलीले २४ घण्टा भित्रमा बालिकालाई सकुसल उद्दार गरेको हो