जनकपुरधाम – महोत्तरीको मनरा सिसवा नगरपालिकामा डाँका समूहले एकजनाको हत्या गरेको छ।आज बिहान करिब ३/४ बजेतिर आएको डाँकाको समूहले मनरा सिसवा–४ साँढाका ७० वर्षीय सुशील झाको घरमा लुटपाट गर्दै उनको हत्या गरेको महोत्तरी प्रहरीले जनाएको छ।महोत्तरीका प्रहरी प्रवक्ता प्रहरी नायव उपरीक्षक सन्तुलाल प्रसाद जैसवारले डाँकाको तीन/चार जनाको समूहले झाको घरबाट औँठी, मंगलसुत्रलगायतका सामान लुटेरसमेत लगेको बताए।डाँकाहरुले लुटपाट गर्दा प्रतिरोध गर्दा कुटपिटबाट झाको मृत्यु भएको उनले बताए। उनले यस सम्बन्धमा थप विवरण आउन बाँकी रहेको बताए।