विराटनगर। सुनसरीको इटहरीमा कार दुर्घटना हुँदा १ जनाको मृत्यु भएको छ। ३ जना घाइते भएका छन्। इटहरी उपमहानगरपालिका–२० पानीपिया भन्ने स्थानमा शनिबार राति दुर्घटना भएको हो।
दुर्घटनामा परेर कारमा सवार इटहरी–१ का ४० वर्षीय विष्णु राउतको मृत्यु भएको छ। गम्भीर घाइते भएका उनको धरानस्थित बीपी कोइराला स्वास्थ्य विज्ञान प्रतिष्ठानमा उपचारकै क्रममा मृत्यु भएको हो।
कारमा चालकसहित ४ जना सवार थिए। प्रहरीका अनुसार चालक सुनसरीको रामधुनी नगरपालिका–७ का ३० वर्षीय विवेक लामा, इटहरी–४ का ४३ वर्षीय गंगा बस्नेत र इटहरी–१ का ३१ वर्षीय कल्याण कटुवाल घाइते भएका छन्। उनीहरुको बीपीमै उपचार भइरहेको छ।
प्रहरीका अनुसार प्र–०१–०३० च ४६१८ नम्बरको कार अनियन्त्रित भएर राति ११ बजेतिर दुर्घटना भएको हो।सुनसरी प्रहरीका प्रवक्ता डीएसपी योगराज खतिवडाका अनुसार धरानबाट इटहरीतर्फ आउँदै गरेको कार सडकबाट पूर्वतर्फ रहेको जामुनको रूखमा ठोक्किएको थियो। तीव्र गतिका कारण दुर्घटना भएको प्रहरीको प्रारम्भिक छ। कार पूर्णरूपमा क्षतिग्रस्त बनेको छ।
मृत्यु
