पोखरा – तनहुँमा ४ महिने बालकलाई ढुंगाले हानेर हत्या गरिएको छ। ती बालकलाई आफ्नै हामाले ढुंगाले हानेर हत्या गरेकी हुन्।
घिरिङ गाउँपालिका–४ की कमला परियारले ४ महिने छोरा अर्जुनको हत्या गरेको जिल्ला प्रहरी कार्यालय तनहुँका सूचना अधिकारी डिएसपी अशोक थापाले बताए। यो घटना सोमबार साँझ ७ बजेको हो।
कमला माइतीघर जाने क्रममा भिमाददेखि नवलपुर डेढगाउँ जाने सडकखण्डमा ढुंगाले हानेर गम्भीर घाइते बनाएको उनको भनाइ छ। ‘स्थानीयले घाइते बालकको उपचारको लागि रामपुर अस्पताल पाल्पा लगेका थिए’, उनले भने। उपचारको क्रममा गएराति साढे ११ बजे मृत्यु भएको छ।
नवलपुरको बौदीकाली गाउँपालिका–२ स्थायी वतन भएकी कमलालाई इलाका प्रहरी कार्यालय डेढगाउँले नियन्त्रणमा लिएको छ। जिल्ला प्रहरी कार्यालय तनहुँमा उपस्थित गराएर प्रारम्भिक अनुसन्धान पूरा गरिएको छ। कर्तव्य ज्यान मुद्दामा जिल्ला अदालत तनहुँबाट म्याद थप गरेर थप अनुसन्धान थालेको डिएसपी थापाले बताए।
छोराको हत्या
