गणतन्त्र जनताको बनाउन फेरि लड्ने बेला भएको छ : दाहाल

नेकपा (माओवादी केन्द्र) का अध्यक्ष पुष्पकमल दाहालले प्रतिक्रियावादीहरूले गणतन्त्रलाई बिचौलियाहरूको हितका लागि प्रयोग गरिरहेको बताएका छन् ।बुधबार काठमाडौंमा आयोजित गणतन्त्र सेनानी सम्मान २०८१ कार्यक्रमलाई सम्बोधन गर्दै दाहालले यस्तो बताएका हुन् ।

‘गणतन्त्र त आयो तर, त्यो गणतन्त्र जनताकै हुन्छ कि हुँदैन भन्ने कुरा महत्त्वपूर्ण थियो र छ । प्रतिक्रियावादीहरूले गणतन्त्रलाई बिचौलियाहरूको हितका निम्ति प्रयोग गर्दैछन् । हामीले त्यसका लागि लड्नुपर्छ । विगत र वर्तमानको आकलन गर्दा फेरि माओवादी जनयुद्धका सहभागीहरू एकताबद्ध हुनैपर्ने आवश्यकता पैदा भएको छ । विभाजनको शृङ्खला रोकेर एकताको शृङ्खला सुरु गर्नेछौँ,’ दाहालले भने ।उनले आफू अगाडि बढि नै सकेको पनि बताए । ‘म त अगाडि बढि नै सकेँ कमरेडहरू, अब माओवादी कसैको वैशाखी टेक्दैन, आफैँ लड्छ । जनताको तागत लिएर सडकमा आएर प्रतिक्रियावादीहरूलाई परास्त गर्छ,’ दाहालले भने ।