पर्सा। प्रेस सेन्टर नेपाल पर्साको नवनिर्वाचित पदाधिकारी तथा कार्यसमिति सदस्यहरुको पदस्थापन तथा प्रमाणपत्र वितरण समारोह सम्पन्न भएको छ । वीरगन्जको क्लासिक वंक्वेटमा आईतबार बिहान नवनिर्वाचित पदाधिकारी तथा कार्यसमिति सदस्यहरुको पदस्थापना तथा प्रमाणपत्र वितरण सम्पन्न भएको हो ।
प्रेस सेन्टर नेपाल पर्साका निवर्तमान अध्यक्ष दीपक गौतमको अध्यक्षतामा भएको कार्यक्रममा नवनिर्वाचित अध्यक्ष शिवनाथ यादव, उपाध्यक्ष कृष्णमोहन साह र समिना रञ्जितकार, सचिव अजित कुमार भूजेल, सहसचिव विदुर गौतम र रञ्जित यादव, कोषाध्यक्ष सञ्जित गुप्तालाई पदस्थापन गरि प्रमाणपत्र वितरण गरिएको छ ।
त्यस्तै सदस्यहरु रितेन्द्र झा, दिपेन्द्र प्रसाद, माधव तिमिल्सिना, प्रणय साह, बलिराम यादव, आनन्द साह, मेघराज राय थारु, संतोष कुश्वाह, विशाल पटेल, संजोग गिरी लगायतलाई पनि पदस्थापन सहित प्रमाणपत्र वितरण गरिएको छ ।
त्यस्तै प्रदेश परिषद प्रतिनिधिमा निर्वाचित भरत साह सोनार, रञ्जित पाण्डे, लालबाबु बानियाँ, सब्दर हुसैनलाई पनि प्रमाणपत्र वितरण गरिएको छ ।
नवनिर्वाचित पदाधिकारी तथा सदस्यहरुलाई प्रेस सेन्टर नेपालका केन्द्रीय उपाध्यक्ष एवं मधेस प्रदेश इञ्चार्ज गोविन्द देवकोटा, नेपाल पत्रकार महासंघ मधेस प्रदेश अध्यक्ष श्याम बञ्जारा, पर्सा अध्यक्ष ओमप्रकाश खनाल लगायतले गाम्छा र अविर लगाई प्रमाणपत्र वितरण गरेका थिए ।
