काठमाडौँ । दक्षिण कोरियाका राष्ट्रपति यूं सुक येओलले मार्सल ‘ल’ घोषणा गरेपछि चौतर्फी विरोध तथा प्रदर्शन भएको छ ।
जसको चौतर्फी विरोध तथा प्रदर्शनपछि राष्ट्रपति यूं आफ्नो कदमबाट पछि हटे । तर दक्षिण कोरिया पुरै अशान्त बनेको छ, पनि स्थिति सामान्य बन्न सकेको छैन ।
दक्षिण कोरियाका सांसदहरूले नेशनल एसेम्बलीको मध्यरात्रि सत्रमा ‘मार्शल ल’ लगाउने निर्णय फिर्ता हुनुपर्ने प्रस्ताव पारित गरेका थिए । यसैकारण राष्ट्रपति योल आफ्नो निर्णयबाट पछि हटेका हुन् ।
यो निर्णयको प्रतिपक्षी दलले तीव्र विरोध जनाएपछि राष्ट्रपति योलले देशमा सैनिक शासन (मार्शल ल) लगाउने आफ्नो निर्णय केही घण्टामै बदलेका हुन् । उनले मंगलबार राति राष्ट्रका नाममा सम्बोधन गर्दै देशको सुरक्षा गर्न मार्शल ल लगाउनु परेको बताएका थिए ।
‘उत्तर कोरियाको कम्युनिष्ट शक्तिबाट देशको सुरक्षाका लागि र देश विरोधी तत्वलाई अन्त्य गर्नका लागि मार्शल ल लागू गर्नुपरेको छ,’ उनले भनेका थिए । उनले देशमा मार्शल ल कहिलेसम्म जारी रहन्छ भन्ने पनि स्पष्ट पारेका थिएनन् ।
यो घोषणा लगत्तै सैनिकहरूले संसद् भवनमा कसैलाई पनि प्रवेश दिएका थिएनन् । उनीहरू संसद् भवन र वरपरका क्षेत्रमा तैनाथ भएका थिए । त्यसको प्रतिवाद गर्दै प्रतिपक्षी दल सडकमा उत्रिएको थियो ।
